Xanalion

Kəndin adı: 
Xanalion

Əhalisi: 
1230 nəfər

Ərazisi: 

356 kv km

Kəndin əsas məşğuliyyəti:

Kənd əhalisinin əsas məşğuliyyəti əkinçilik, maldarlıq və baramaçılıq olmuşdur. Hal-hazırda əsasən, əkinçilik və maldarlıq üstünlük təşkil edir. 

Həmsərhəd olduğu kəndlər:

Xanalion kəndi şimaldan Sığdaş və Kolatan kəndləri, cənubdan Məmmədoba kəndi, şərqdən Bədəlan kəndi, qərbdən isə Talış sira dağları ilə həmsərhəddir.

Kəndin adının mənası: 
Kənd ağsaqqallarının verdiyi məlumata görə kəndin 350 ildən çox tarixi vardır. Xanalion kəndinin adının mənası Xanəli xanın adı ilə bağlıdır. Kənd ağsaqqallarının məlumatına görə təqribən 1650-1680-ci illərdə Talış xanlarından olan Xanəli xan ilk dəfə burada məskən salmışdır. O vaxtdan etibarən həmin yaşayış yeri “Xanəli”, “Xanəlioba”, “Xanalion” adlanmışdır. Mənası talış dilindən tərcümədə xanın yaşadığı yer, xanın olduğu yerlər deməkdir. 

Kənddə ilk məktəbin açıldığı tarix: 
Kənddə ilk ibtidai məktəb 1956-1947- ci illərdə açılmışdır. Sonralar, 1974-cü ildən 8 illik orta məktəb fəaliyyət göstərir.

Kəndin ilk ali təhsillisi: 
Kəndin ilk ali təhsilli adamı Qədirov Cəfər Əliağa oğludur. O, 1969-cu ildə Azərbaycan Dövlət Rus dili və Ədəbiyyat İnstitutunu bitirmişdir.

Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında
Bağışov Nizami Mirzağa oğlu 
1994-cü ildə Füzuli rayonu ətrafında gedən döyüşlərdə şəhid olmuşdur. Hazırda Xanalion kənd əsas məktəbi Bağışov Nizami Mirzağa oğlunun adını daşıyır.

Babayev Mail Atakişi oğlu.
1994-cü ildə Beyləqan uğrunda gedən döyüşlərdə şəhid olmuşdur.

Böyük Vətən müharibəsində iştirak edənlər:
Xanalion kəndindən Böyük Vətən müharibəsində 45 nəfər iştirak etmişdir. Onlardan 21 nəfəri döyüşlərdə həlak olmuşdur. 

Kəndin din xadimləri: 
Xanalion kəndinin tanınmış din xadimlərindən biri Molla Mirzəli Axund olmuşdur. O, təqribən 18-ci yüzillikdə yaşamışdır

Facebook Səhifəmiz
Masallilar.az © 2o18 - Bütün Hüquqlar Qorunur!
Hazırladı Tural Rasuloff
masallilar.az masallilar.az masallilar.az masallilar.az