Babaküçə

Kəndin adı: 
Babakücə

Əhalisi: 
716 nəfər

Ərazisi: 
185,9 kv km

Kəndin əsas məşğuliyyəti: 
Keçmişdə kəndin əsas məşğuliyyəti əkinçilik və maldarlıq olmuşdur. Hazırda da, əsasən, əkinçilik və maldarlıq üstünlük təşkil edir. 

Həmsərhəd olduğu kəndlər:

Babakücə kəndi qərbdən Ninalov kəndi, şimaldan Məmmədrzakücə kəndi, şimal-şərqdən Seyidoba kəndi, şərqdən Kolatan kəndi, qərbdən isə Sığdaş kəndi ilə həmsərhəddir. 

Kəndin adının mənası: 
Kəndin tarixi haqqında məlumat əsasən, kənd ağsaqqallarının verdiyi məlumata əsaslanır. Ağsaqqalların dediyinə görə kəndin ilk sakini Rəhmətov Nəsir Rəhmət oğlu olmuşdur. O, təxminən 300 il bundan əvvəl kəndə gələrək, orada məskunlaşmışdır. Babakücə adı iki sözdən: “Baba” və “Kücə” sözlərindən əmələ gəlmişdir. Talış dilindən tərcümədə “Baba” sözü ata-baba, “Kücə” (küjə) sözü isə insanların məskunlaşdığı yer, yaşadığı yer, gəlib-getdikləri yer mənasını verir. Beləliklə, bütövlükdə bu adın mənası talış dilindən tərcümədə “Babaların məskəni” deməkdir. 

Kənddə ilk məktəbin açıldığı tarix: 
Kənddə ilk məktəbin açılması 1931-1932-ci illərə təsadüf edir. Bu məktəb 4 sinifli ibtidai məktəb olmuşdur.

Kəndin ilk ali təhsillisi: 

Babakücə kəndinin ilk ali təhsilli adamları Rüstəmov Əmir Fəttah oğlu və Əliyev Məmməd Heydər oğlu olmuşdur. 

Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında: 
Əkbərov Vurğun Simran oğlu
Əliyev Vilayət Lətif oğlu.

Böyük Vətən müharibəsində iştirak edənlər: 
Böyük Vətən müharibəsində 20 nəfər iştirak edib. Onlardan yalnız 1-i hazırda yaşayır. 
Xancanov Xankişi Balaş oğlu

Masallilar.az © 2o18 - Bütün Hüquqlar Qorunur!
Hazırladı Tural Rasuloff
masallilar.az masallilar.az masallilar.az masallilar.az