Ninalov

Kəndin adı: 
Ninalov

Əhalisi: 
384 nəfər

Ərazisi: 

106 kv km

Coğrafi mövqeyi: 
Ninalov kəndi talış sıra dağlarının əhatəsində yerləşir. 

Kəndin əsas məşğuliyyəti:
 
Kənd əhalisinin əsas məşğuliyyəti əkinçilik və maldarlıq olmuşdur. Hazırda da, əsasən, əkinçilik, maldarlıq və qismən də arıçılıq üstünlük təşkil edir.

Həmsərhəd olduğu kəndlər:

Kənd qərbdən Talış sıra dağları, şimaldan Talış sıra dağları və Məmmədrzakücə kəndi, şərqdən Babaküçə kəndi, cənubdan isə Sığdaş kəndi ilə həmsərhəddir. Kəndin dörd tərəfi dağ silsilələri olduğundan kənd unikal bir xarici gözəlliyə malikdir. 

Kəndin adının mənası: 
Ninalov kəndinin tarixi kənd ağsaqqallarının verdiyi məlumatlara əsaslanır. Məlumatlara görə kəndin ilk sakinləri Zərbiyev Siozə və Əkbərov Əkbər olmuşlar. Onlar təxminən 300-350 il bundan əvvəl kəndə gələrək, orada məskunlaşmışlar. Ninalov kəndinin adının mənası talış dilindən tərcümə edildikdə “Nil ağacından düzəldilmiş növ (nov)” mənasını verir. Növ (nov) bulaqlarda suyun axması üçün düzəldilib qoyulan ağac əşyadır. Ninalov ərazisi dağ bulaqları və çaylarla zəngin olduğundan burda bu cür novlara tez-tez rast gəlinir. Kəndin adının da məhz burdan formalaşdığı güman olunur. 

Kəndin tarixi abidələri: 
Ninalov kəndi ərazisi tarixi və arxeoloji baxımdan əhəmiyyətli olan abidələrlə zəngindir. Bunlardan ikisi daha məşhurdur: 
1. Piyəkon tarixi abidəsi. 
Bu ad talış dilindən tərcümədə “ataların evi” mənasını verir. Bu abidə dağ yamacında yerləşən qədim yaşayış məskənidir. Çox güman ki, bu yer Ninalov əhalisinin əvvəl yaşadığı yaşayış məskəni olmuşdur. Sonralar hərbi-siyasi sabitlik dövründə əhali dağ yamaclarından kəndin indiki yerləşdiyi əraziyə enərək burda məskunlaşmışlar.
2. Səhhət qalası. 
Bu abidə yerli sakinlər arasında daha çox “Ğələ sün” kimi tanınır. Talış dilindən tərcümə elədikdə “Qala sütunu” mənasını verir. Abidə kəndin yuxar ı hissəsində tikilmiş qədim bir qalanın qalıqlarıdır.
Qalanın yerləşmə mövqeyindən və quruluşundan aydın olur ki, qala ərazinin qorunması üçün tikilmiş müdafiə qalasıdır. Hər iki abidə 17-18-ci əsrlərin tarixi abidəsi kimi səciyyələndirilir. Bu gün hər iki qədim tikili həmin ətrafda yaşayan insanlar tərəfindən xüsusi hörmətlə yad olunur.

Kənddə ilk məktəbin açılması: 

Ninalov kəndində ilk məktəbin açılması 1939-1940-cı illərə təsadüf edir. 

Kəndin ilk ali təhsillisi: 

Kəndin ilk ali təhsilli adamları Əkbərov Yunus Məmmədqulu oğlu və Əkbərov Yavər Məmmədqulu oğlu olmuşlar.

Böyük Vətən müharibəsində iştirak edənlər:
Ninalov kəndindən Böyük Vətən müharibəsində 10 nəfər iştirak etmişdir. Onlardan sağ qalanı yoxdur.

Masallilar.az © 2o18 - Bütün Hüquqlar Qorunur!
Hazırladı Tural Rasuloff
masallilar.az masallilar.az masallilar.az masallilar.az